The Senate for Nigeria don ask president Buhari make him start to dey prepare for de counting of everybody wai dey for Nigeria. This counting na de census.
This na something wen former president Obasenjo been last do (that year, 2006).
So this idea come from the motion wen one Senator Sule Hunkuyi forward for plenary today for Abuja. As usual, them say make government think about am and release money quick quick for de project to succeed.
Hunkuyi use better word take wash the matter say na part of planning o. As usual, they ask for money for the NPOPC (National Population Commision) because better thing na money kill am and as year don dey end, ei go better for government to join am inside 2017 Budget.
He say ei don tai since the last census and by the time 2018 for don reach, ei go be 12 years space between de two census. He say, based on international standard, ei suppose take 2 year to plan proper census.
Another senator, John Enoh say the plan make sense because normally, dem suppose do am every 10 year as the United Nation provision agree. May other senators back am too.
I interview one aproko wen no want him name publish advice him people say, "De result of the censous go help government plan well. So make my people nno dull dem self dis time, you must count your chickens and fish as human being just the way dem count sheep and cows for Kano during Olusegun Obasenjo time".
If ei go hold, everybody must to count and by that way, even government go know how many people Boko Haram to mud since Yahadua time. Me I know go surprise if North still produce billions of people sha.
Comments
Post a Comment
Na aproko mata be this so make una no over reason am. I wan make una know say; I no fit agree with everytin way people go comment, but that no mean say I no go post am.